पान मसालाको ‘सरोगेट विज्ञापन’ गरेको आरोप, शाहरुख, अजय र टाइगरलाई कति जरिवाना हुन सक्छ ?

मुम्बई । भारतकाे महाराष्ट्र खाद्य तथा औषधि प्रशासन (एफडीए)ले बलिउड अभिनेता शाहरुख खान, अजय देवगन र टाइगर श्रॉफलाई कारण देखाऊ नोटिस जारी गरेको छ। उनीहरूले ‘विमल इलायची’को विज्ञापनमार्फत महाराष्ट्रमा प्रतिबन्धित पान मसालाको अप्रत्यक्ष रूपमा प्रचार गरेको आरोप लगाइएको छ।

एफडीएले तीनै जनालाई नोटिसको जवाफ दिन १५ दिनको समय दिएको छ। तोकिएको अवधिमा जवाफ नदिएमा कानुनी कारबाहीसँगै आर्थिक जरिवाना हुन सक्ने चेतावनी दिइएको छ।