भोटेकोशी बाढी : चीनले थप राहत, ड्रोन र डिएनए उपकरण पठाउँदै

भोटेकोशी बाढीबाट प्रभावित नेपाललाई चीनले थप आपतकालीन मानवीय सहायता उपलब्ध गराउने भएको छ।

चीनको विदेश मन्त्रालयले मंगलबारदेखि नेपालका लागि दोस्रो चरणको राहत सामग्री पठाउन सुरु गर्ने जनाएको हो। मन्त्रालयका प्रवक्ता गुओ जियाकुनले नेपालका विपद् प्रभावित क्षेत्रमा आपतकालीन सहायता उपलब्ध गराउनु र अन्तर्राष्ट्रिय उद्धारमा सहयोग गर्नु चीनको महत्त्वपूर्ण निर्णय भएको बताएका छन्। यसले नेपालसँगको मैत्रीपूर्ण सम्बन्धलाई देखाउने उनको भनाइ छ।