भारतीय प्रधानसेनापति सेठ आज नेपाल आउँदै

काठमाडौं- भारतीय स्थल सेनाध्यक्ष (प्रधानसेनापति) धीरज सेठ चारदिने औपचारिक भ्रमणका लागि आइतबार नेपाल आउँदै छन्। नेपाली सेनाका प्रधानसेनापति अशोकराज सिग्देलको निमन्त्रणामा सेठ आइतबार अपराह्न काठमाडौं आइपुग्ने कार्यक्रम रहेको छ।

भ्रमणका क्रममा सोमबार राष्ट्रपति कार्यालयमा विशेष समारोह आयोजना गरी राष्ट्रपति एवं नेपाली सेनाका परमाधिपति रामचन्द्र पौडेलले भारतीय प्रधानसेनापति सेठलाई नेपाली सेनाको मानार्थ महारथीको दज्र्यानी चिह्न प्रदान गर्ने कार्यक्रम रहेको नेपाली सेनाका प्रवक्ता राजाराम बस्नेतले जानकारी दिएका छन्।