प्रहरीको गतिविधि खिच्न पाउने कि नपाउने ? सर्वोच्चले माग्यो सरकारको जवाफ

काठमाडौं– ड्युटीमा खटिएका प्रहरीको कामकारबाही नागरिकले अडियो तथा भिडियोमा रेकर्ड गर्न पाउनुपर्ने मागसम्बन्धी रिटमा सर्वोच्च अदालतले सरकारसँग जवाफ मागेको छ।

नेपाल ल क्याम्पसका विद्यार्थी विवेक चौधरी र विकास यादवले सार्वजनिक सरोकारको विषय भन्दै दायर गरेको रिटमा मंगलबार न्यायाधीश श्रीकान्त पौडेलको एकल इजलासले विपक्षीका नाममा कारण देखाऊ आदेश जारी गरेको हो।