मेस्सीको पेनाल्टी फेरि चुक्यो, न्याशभिलसँग मियामीको लज्जास्पद हार

काठमाडौँ । मेजर लिग सकर (एमएलएस) को शीर्ष स्थानको टोली न्याशभिल एससीसँग इन्टर मियामी ४–१ को फराकिलो अन्तरले पराजित भएको छ । शनिबार भएको खेलमा मियामीका कप्तान लियोनेल मेस्सीले पेनाल्टी चुकाएपछि उनको टोलीले लज्जास्पद हार बेहोरेको हो ।

न्याशभिलको घरेलु मैदानमा भएको खेलमा आयोजक टोलीका लागि एन्डी नजर, हानी मुख्तार र साम सरिजले गोल गरे । मुख्तारले व्यक्तिगत रूपमा दुई गोल गरेपछि न्याशभिलले मियामीमाथि सहज जित निकाल्यो ।