ठेक्का जोगाउने खेलमा फास्ट ट्र्याक, तीन जिल्ला बन्धक

इलाम । गत ५ असार शुक्रबार इलाम पुवा खोलाछेउ भांगटारमा भएको यो संवादसँगै इलाम– झापा फास्ट ट्र्याकको भञ्ज्याङ–बेलासी सडकखण्डले अब भने गति लिने आशा जागेको थियो ।

पूर्वाधार विकासमन्त्री सुनिल लम्साल आफैं स्थलगत निरीक्षणमा थिए । सडक डिभिजन इलामका प्रमुख पवन भट्टराईसँग सडकको अवस्था’bout जानकारी लिएपछि उनले काम गर्न नसकेको निर्माण कम्पनीको ठेक्का तोडेर नयाँ टेन्डर निकाल्न निर्देशन दिएका थिए । त्यसबेला प्रमुख जिल्ला अधिकारी लक्षुमण ढकाल पनि त्यहीँ उपस्थित थिए । मन्त्रीको निर्देशन भएको करिब दुई महिना बित्दा पनि सडक बनेन, ठेक्का पनि तोडिएन ।