डीडीसीलाई सरकारको प्रोत्साहन : मन्त्रिपरिषदमा दूध, दहीदेखि चिजसम्म वितरण

काठमाडौं । आजको मन्त्रिपरिषद् बैठकमा दुग्ध विकास संस्थान (डीडीसी) का उत्पादन वितरण गरिएको छ ।

कृषि वन तथा पर्यावरणमन्त्री गीता चौधरीले स्वेदशी उत्पादनको संरक्षण, किसानको हित र संस्थानको सुदृढीकरणका लागि स्थानीय उत्पादनको प्रयोग र प्रवर्द्धनमा जोड दिइएको बताएकी छन् । डीडीसीलाई प्रतिस्पर्धी र आत्मनिर्भर बनाउन सरकारले उपभोग र प्रवर्द्धनमा सहयोग गर्नुपर्नेमा उनको जोड रहेको छ ।