जेनजी आन्दोलनको काँधमा चढेर देशलाई अँध्यारो युगमा फर्काउने प्रयास भयो : डा भट्टराई

पूर्वप्रधानमन्त्री डा बाबुराम भट्टराईले गत भदौमा भएको जेनजी आन्दोलनको काँधमा चढेर देशलाई पुनः अँध्यारो युगतर्फ फर्काउने प्रयास भएको बताएका छन्।

आइतबार सामाजिक सञ्जालमार्फत भट्टराईले जेनजी युवाहरूको आन्दोलनलाई प्रयोग गरेर देशलाई पुनः अँध्यारो युगतर्फ फर्काउने र त्यसपछि अन्त्यहीन द्वन्द्व सिर्जना गरी नेपालको सार्वभौमिकता, स्वाधीनता र भौगोलिक अखण्डतामाथि नै धावा बोल्ने कुत्सित मनसाय विभिन्न ढंगले अभिव्यक्त हुन थालेको बताएका छन्।