बाढी प्रभावित परिवार भेट्न युएईवाट नेपाल फर्कन चाहनेले विवरण दर्ता गराउन आग्रह

काठमाडौँ । भोटेकोशी नदीमा आएको बाढीबाट प्रभावित परिवारको सहयोगका लागि नेपाल फर्कनुपर्ने अवस्थामा रहेका संयुक्त अरब इमिरेट्स (युएई) मा कार्यरत नेपाली श्रमिकलाई नेपाली राजदूतावास, अबुधाबीले आफ्नो विवरण दर्ता गराउन आग्रह गरेको छ।

बाढीबाट प्रभावित जिल्लाका श्रमिकलाई पारिवारिक दायित्व पूरा गर्न तत्काल नेपाल फर्कन आवश्यक भए पनि रोजगारदाता कम्पनीबाट बिदा वा स्वीकृति लिन कठिनाइ भइरहेको जानकारी आएपछि दूतावासले समन्वय तथा सहजीकरणको लागि विवरण संकलन थालेको हो।