सशक्त फ्रान्सविरुद्ध संयमित स्वीडेन

सन् १९९८ यताकै पहिलो पटक समूह चरणका सबै खेल जितेको फ्रान्स पूर्ण आत्मविश्वासका साथ ग्राहम पोटरको स्वीडेनविरुद्ध नकआउट यात्रा सुरु गर्दैछ । दुवै टोलीको भेट मेटलाइफ स्टेडियममा हुनेछ, जहाँ अर्को महिना विश्वकपको फाइनल पनि आयोजना हुनेछ ।

प्रतियोगिता सुरु हुनुअघि देखि नै धेरैको रोजाइमा प्रमुख उपाधि दाबेदार ‘ले ब्लु’ नै थियो । र, अहिलेसम्मको प्रदर्शनले त्यो विश्वासलाई झन् मजबुत छ । फ्रान्सले सन् १९९८ पछि पहिलो पटक समूह चरणका सबै खेल जित्दै नकआउट चरणमा प्रवेश गरेको हो । त्यही सन् १९९८ मा उसले आफ्नो पहिलो विश्वकप उपाधि पनि उचालेको थियो ।