स्वतन्त्रता र जिम्मेवारीको दोबाटो

भ्रामक–असत्य सूचना, साइबर बुलिङ, चरित्रहत्या, गोपनीयताको उल्लंघन तथा घृणाजन्य अभिव्यक्तिको तीव्र प्रसार आजका चुनौती हुन्।

सुचना प्रविधिको तीव्र विकाससँगै सामाजिक सञ्जाल आज मानव जीवनको अभिन्न अंग बनेको छ। फेसबुक, एक्स (ट्विटर), इन्स्टाग्राम, टिकटक, युट्युबलगायतका माध्यमले संसारलाई एक क्लिकको दूरीमा ल्याइदिएका छन्। विचार व्यक्त गर्न, सूचना आदानप्रदान गर्न, व्यवसाय प्रवद्र्धन गर्न, सामाजिक अभियान सञ्चालन गर्न तथा सम्बन्ध विस्तार गर्न सामाजिक सञ्जाल अत्यन्त प्रभावकारी माध्यम सिद्ध भएको छ। तर, यसको प्रयोग जति सहज र आकर्षक छ, यसको अदूरदर्शी प्रयोगले निम्त्याउने प्रभाव र परिणाम त्यति नै गम्भीर र जटिल पनि हुन सक्छ।