‘२५ हजार लिएर कहाँ जाऔं’ सुकुम्बासी भन्छन् ‘कतै कोठा पाइएन’

काठमाडौं । काठमाडौंका खोला किनारका सुकुम्बासी बस्ती १५ दिनभित्र व्यवस्थापन गर्ने वाचा गर्दै सरकारले भत्कायो । तर दुई महिना बितिसक्दा पनि न वास्तविक सुकुम्बासीको पहिचान भयो, न स्थायी बसोबासको टुंगो लाग्यो ।

उल्टै होल्डिङ सेन्टरमा रहेका परिवारलाई २५ हजार रुपैयाँ लिएर असार १२ भित्र बाहिरिन अल्टिमेटम दिइएको छ । यो समस्या समाधानका लागि १८ करोड रुपैयाँ छुट्याइएपनि पीडितहरूमा आक्रोश, अन्योल र चिन्ता भने झन् बढेको छ ।