भीमफेदी–कोगटे–इपा–सिस्नेरी सडक सञ्चालनको तयारी

हेटौँडा – पृथ्वी राजमार्गअन्तर्गत धादिङको कृष्णभीरमा सडक अवरुद्ध भएपछि हेटौँडा–काठमाडौँ जोड्ने वैकल्पिक सडकमा बढेको सवारी चाप कम गर्न बागमती प्रदेश सरकारले भीमफेदी–कोगटे–ईपा–सिस्नेरी सडक सञ्चालनमा ल्याउने तयारी गरेको छ ।

प्रदेशका भौतिक पूर्वाधार विकासमन्त्री भरतबहादुर केसीले करिब ३५ किलोमिटर लामो उक्त सडक तत्काल आवश्यक मर्मत गरी साना यात्रुवाहक सवारीसाधन सञ्चालन गर्ने तयारी भइरहेको जानकारी दिए।