बाढी प्रभावित क्षेत्रमा स्थानीय सरकारलाई नेतृत्वदायी भूमिका दिन नागरिक अधिकारकर्मीको माग

काठमाडौं । भोटेकोशी र त्रिशूली नदीमा आएको विनाशकारी बाढीपछि उद्धार, राहत, पुनःस्थापना तथा पुनर्निर्माणका काममा स्थानीय सरकारलाई प्रभावकारी रूपमा सहभागी गराउन ३१ जना नागरिक अधिकारकर्मीले सरकारसँग माग गरेका छन्।

लाङटाङ हिमालको उत्तरी पाखामा हिमताल फुटेर भदौ १० गते आएको बाढीबाट ठूलो मानवीय तथा भौतिक क्षति भएको भन्दै उनीहरूले संयुक्त अपिलमार्फत सरकारको ध्यानाकर्षण गराएका हुन्।