रविमाथिको संगठित अपराधको अभियोग हटाउन पर्सा अदालतको अनुमति, सहकारी ठगीको मुद्दा यथावत्

जनकपुरधाम । राष्ट्रिय स्वतन्त्र पार्टी (रास्वपा) का सभापति रवि लामिछाने विरुद्ध दर्ता गरिएको संगठित अपराधसम्बन्धी अभियोग संशोधन गर्न पर्सा जिल्ला अदालतले अनुमति दिएको छ ।

पर्सा जिल्ला अदालतका न्यायाधीश मोहन सुवेदीको एकल इजलासले मुलुकी फौजदारी कार्यविधि संहिता, २०७४ को दफा ३६ अनुसार लामिछानेसहितका प्रतिवादीमाथि लगाइएको संगठित अपराधको अभियोग हटाउन आदेश दिएको हो । अदालतले भने सहकारी ठगीसम्बन्धी अभियोगलाई यथावत् राख्ने निर्णय गरेको छ ।