जर्मनीलाई स्तब्ध पार्दै इक्वेडर नकआउट चरणमा प्रवेश

जर्मनीलाई हराउँदै इक्वेडर फिफा विश्वकप २०२६ को नकआउट चरणमा प्रवेश गरेको छ । अमेरिकाको न्युयोर्क न्यु जर्सी स्टेडियममा भएको खेलमा उपाधि दावेदार जर्मनीलाई २–१ ले हराउँदै इक्वेडर नकआउट चरणमा प्रवेश गरेको हो ।

सुरुवाती अग्रता जोगाउन नसक्दा जर्मनी पराजित हुन पुग्यो । जर्मनीले खेलमा दोस्रो मिनेटमा गोल गर्दै अग्रता लिएको थियो । लेरोय सानेले गोल गर्दै जर्मनीलाई अग्रता दिलाएका थिए । तर, खेलको ९ औँ मिनेटमा निल्सन एङ्गुलोले गोल गर्दै इक्वेडरलाई बराबरीमा फर्काए । खेलको ७७ औं मिनेटमा इक्वेडरले गोल गर्दै अग्रता लियो । गोन्जालो प्लाटाले इक्वेडरलाई अग्रता दिलाए । त्यसपछि गोल नहुँदा इक्वेडरले शानदार जित निकाल्यो ।