डा. शशांकलाई कमान्ड सुम्पिँदा पूर्णबहादुर असन्तुष्ट

काठमाडौँ । नेपाली कांग्रेसको इतर (निवर्तमान सभापति शेरबहादुर देउवा र डा. शेखर कोइराला)समूहभित्रको पछिल्लो शक्ति समीकरण र १५औँ महाधिवेशनको जोडघटाउले नयाँ मोड लिएको छ । काठमाडौँमा आइतबार सम्पन्न राष्ट्रिय भेलाले गरेको निर्णयले समूहमा नयाँ हलचल पैदा गरेको छ ।

भेलाले पूर्वमहामन्त्री डा. शशांक कोइरालालाई १५औँ महाधिवेशनसम्मका लागि पार्टीका नियमित क्रियाकलाप संयोजन गर्ने जिम्मेवारी सुम्पिएपछि निवर्तमान उपसभापति एवं जेनजी आन्दोलनपछि विशेष महाधिवेशनले आधिकारिकता नपाउँदासम्म कार्यवाहक सभापतिको जिम्मेवारी सम्हालेका पूर्णबहादुर खड्का भने केही किनारामा परेका छन् ।