८ लाख ५५ हजार बढीले हेरे ‘गौँथली’, बक्स अफिसमा कमायो २३ करोड ५५ लाख

काठमाडौँ । चलचित्र विकास बोर्डले फिल्म गत साताको बक्स अफिस रिपोट सार्वजनिक गरेको छ । बोर्डले आइतबार राति दश बजेसम्मको व्यवसाय समेट्दै सार्वजनिक गरेको बक्स अफिस रिपोट अनुसार फिल्म ‘गौथली’ ले २३ करोड ५५ लाख १२ हजार ५०२ रुपैयाँ ग्रस कलेक्सन गर्न सफल भएको छ । फिल्मलाई यस अवधिमा अवधिमा ८ लाख ५५ हजार ७५२ जनाले हरेका छन् ।

गत साउन १ गतेबाट प्रदर्शनमा आएको फिल्म गीतकार तथा स्त्रीरोग विशेषज्ञ डा. भोला रिजालका छोरा डा. कपिल रिजालले निर्देशन गरेका हुन् । केही साता अघिनै फिल्म कमाइको मामलामा यो वर्ष रिलिज भएका फिल्महरूमा सबैभन्दा अग्रस्थानमा रहन सफल भएको थियो । फिल्मको व्यवसाय अहिले पनि राम्रो रहेको निर्माण युनिटले जनाएको छ ।