कमेडी सोमा प्रहरी प्रमुख

नेपाल प्रहरीका प्रमुख, प्रहरी महानिरीक्षक (आईजीपी) दानबहादुर कार्की टेलिभिजन कार्यक्रम ‘कमेडी नाइट विथ च्याम्पियन्स’ मा देखिएका छन्। विशाल भण्डारी, दीपाश्री निरौलालगायतले सञ्चालन गर्ने कार्यक्रमको ६०औँ एपिसोडमा कार्की अतिथिका रूपमा पुग्दा दर्शकदीर्घामा बाक्लै संख्यामा बर्दीधारी प्रहरी जवानहरू बसेको देखिन्छ।

करिब आठ मिनेटको ट्रेलर आइतबार (२४ जेठ) ओएसआर रियालिटी नामक युट्युब च्यानलमा सार्वजनिक भएको उक्त एपिसोड आज (मंगलबार) बेलुकी हिमालय टीभीमा प्रसारण हुँदै छ। नेपाल प्रहरीलाई समर्पण गरिएको भनिएको कार्यक्रममा ठाउँ ठाउँमा प्रहरी संगठन र प्रहरी कर्मचारीलाई नै हाँसोको पात्र बनाइनुका साथै निरीह रूपमा प्रस्तुत गरिएको छ।