बाढी प्रभावित १२० साइटमध्ये ११३ सञ्चालनमा, टेलिकमले थप तीन साइट चलायो

काठमाडौं– नेपाल टेलिकमले बाढीबाट प्रभावित थप तीनवटा साइट सञ्चालनमा ल्याएको छ। बुधबार धादिङको कल्लेरी तथा नुवाकोटका भद्रटार थप्रेक र पुसनटार साइट सुचारु गरिएको हो।

कल्लेरी साइट सञ्चालनमा आएपछि आदमघाट, पिपलटार, सुनौलाबजार, घुमाउने डाँडा, बेल्टारलगायत क्षेत्रका सेवाग्राही लाभान्वित हुनेछन्। भद्रटार थप्रेक र पुसनटार साइटबाट पनि आसपासका विभिन्न क्षेत्रमा नेटवर्क सेवा विस्तार भएको टेलिकमले जनाएको छ।