भोटेकोशी बाढीको वितण्डा: उद्धार र राहतमा जुट्न आम जनता पार्टीको सरकारलाई आग्रह

काठमाडौँ । भोटेकोशी नदीमा आएको विनाशकारी बाढीले रसुवा, नुवाकोट, धादिङ र गोरखा लगायतका जिल्लाहरूमा पुर्‍याएको ठूलो जनधनको क्षतिप्रति आम जनता पार्टी (आजपा) ले गहिरो दुःख व्यक्त गरेको छ । पार्टीका अध्यक्ष प्रभु साहको अध्यक्षतामा बिहीबार बसेको आकस्मिक बैठकले बाढी प्रभावित क्षेत्रमा प्रभावकारी उद्धार, राहत र पुनस्र्थापनाका लागि सरकारसँग माग गर्ने निर्णय गरेको छ ।

बैठकले बाढीमा परी ज्यान गुमाएका नागरिकहरूप्रति श्रद्धाञ्जली अर्पण गर्दै शोकसन्तप्त परिवारजनमा समवेदना प्रकट गरेको छ । साथै, बाढीमा घाइते भएकाहरूको शीघ्र स्वास्थ्य लाभको कामना गर्दै बेपत्ता भएका व्यक्तिहरूको खोजतलास र उद्धार कार्यलाई थप तीव्रता दिन सरकारको ध्यानाकर्षण गराएको छ ।