अयोध्याकाे राम मन्दिरमा दान हिनामिनासम्बन्धी विवाद चुलियो

नयाँ दिल्ली । भारतीय प्रधानमन्त्री नरेन्द्र मोदीले उद्घाटन गरेको करिब दुई वर्षपछि राम मन्दिरमा भक्तजनले चढाएको करोडौं भारु बराबरको नगद तथा बहुमूल्य दान हिनामिना भएको आरोपसम्बन्धी विवाद उत्कर्षमा पुगेको छ । २०२४ को जनवरीमा उद्घाटन भएको तीनतले मन्दिर अहिले भारतकै प्रमुख तीर्थस्थलमध्ये एक बनेको छ ।

यहाँ वार्षिक करिब ५ करोड श्रद्धालु आउने अनुमान गरिएको छ । मन्दिर परिसरमा दैनिक ७० हजारदेखि ८० हजारसम्म भक्तजन पुग्ने गरेका छन् भने सप्ताहन्त र चाडपर्वमा यो संख्या झन् बढ्ने गरेको छ ।