ज्योति विकास बैंकद्वारा भोटेकोशी बाढी प्रभावितका लागि १ करोडसम्म सहयोग

ज्योति विकास बैंक लिमिटेडले रसुवा जिल्लाको भोटेकोशी नदीमा आएको विनाशकारी बाढीबाट प्रभावित नागरिकको राहत, उद्धार तथा पुनर्स्थापनाका लागि १ करोड रुपैयाँसम्म सहयोग गर्ने भएको छ।

बैंकले तत्कालका लागि प्रधानमन्त्री दैवी प्रकोप उद्धार कोषमा ५० लाख रुपैयाँ सहयोग गर्ने निर्णय गरेको छ। साथै, बाढीबाट प्रभावित रसुवा, नुवाकोट र धादिङ जिल्लाका सामाजिक, शैक्षिक, स्वास्थ्यलगायतका क्षेत्रमा पुनर्निर्माण तथा पुनर्स्थापनाका लागि समुदायस्तरमा सञ्चालन गरिने विभिन्न कार्यक्रमअन्तर्गत चरणबद्ध रूपमा थप ५० लाख रुपैयाँसम्म सहयोग उपलब्ध गराउने निर्णय गरेको बैंकले जनाएको छ।