१० वर्षको काम चार महिनामै फत्ते, मन्त्री प्रतिभा रावलले पूरा गरिन् आफ्नो वाचा

सामान्य प्रशासन मन्त्रालयको नेतृत्व सम्हाल्दा स्थानीय तहमा लामो समयदेखि देखिँदै आएको प्रमुख प्रशासकीय अधिकृतको अभाव अन्त्य गर्ने प्रतिबद्धता जनाएकी मन्त्री प्रतिभा रावलले चार महिनामै उक्त लक्ष्य पूरा गरेकी छिन्।

मन्त्री रावलको नेतृत्वमा भूमि व्यवस्था, सहकारी, संघीय मामिला तथा सामान्य प्रशासन मन्त्रालयले करिब १० वर्षपछि पहिलोपटक स्थानीय तहका सबै दरबन्दीमा प्रमुख प्रशासकीय अधिकृत खटाएको हो। मन्त्रालयका अनुसार ७५३ वटै स्थानीय तहमा दरबन्दीअनुसार प्रमुख प्रशासकीय अधिकृत पूर्ण भएका छन्।