अस्पतालमा बिरामीको बिचल्ली र मन्त्रीको उपचारमा फजुल खर्चबारे संसद्‌मा आलोचना

काठमाडौँ । प्रतिनिधि सभाका सांसदहरूले वैदेशिक रोजगारीका विकृति, स्वास्थ्य क्षेत्रको दयनीय अवस्था, अनलाइन ठगी र सुशासन जस्ता जनसरोकारका विविध विषयमा सरकारको ध्यानाकर्षण गराएका छन्।

मंगलबार बसेको प्रतिनिधि सभा बैठकको शून्य समयमा बोल्दै सांसद बलावती शर्माले वैदेशिक रोजगारीका क्रममा नेपाली श्रमिकहरूले भोग्नुपरेको समस्याप्रति चिन्ता व्यक्त गरिन्।