‘तपाईं ठूलो स्वरमा बोल्दै हुनुहुन्छ, चुप लाग्नुहोस्’ : ह्वाइट हाउसमा ट्रम्प र सीएनएनकी पत्रकारबीच चर्काचर्की

एजेन्सी : अमेरिकी राष्ट्रपति डोनाल्ड ट्रम्प र सीएनएनकी पत्रकार क्रिस्टेन होम्सबीच ह्वाइट हाउसमा प्रश्नोत्तरका क्रममा चर्काचर्की भयो। राष्ट्रपति ट्रम्पले होम्सलाई ‘धेरै ठूलो स्वरमा बोल्ने’, ‘बोझिलो’ र ‘फेक न्युज’ भन्दै चुप लाग्न भने।

सोमबार ओभल अफिसमा आयोजित एक कार्यक्रममा पत्रकार होम्सले ट्रम्पकी कार्यकारी सहायक नताली हार्पसँग राष्ट्रपतिको सम्बन्धबारे एक डेमोक्रेटिक सांसदले गरेको टिप्पणीबारे प्रश्न गरेकी थिइन्।