ठेक्का ओगट्ने तर काम नगर्ने सात निर्माण व्यवसायी कालोसूचीमा

काठमाडौं- ठेक्का सम्झौता गरेर काम नगर्ने सात निर्माण व्यवसायी तथा आपूर्तिकर्ता कम्पनी कालोसूचीमा परेका छन्। सार्वजनिक खरिद अनुगमन कार्यालयले सार्वजनिक खरिद ऐन, २०६३ बमोजिम उनीहरूलाई कालोसूचीमा राखेको हो।

कार्यालयका अनुसार नमादेउ निर्माण सेवा, बागेश्वरी मल्टिप्रपोज निर्माण सेवा, रामेछाप कन्स्ट्रक्सन प्रालि, सन्तोषी निर्माण सेवा, रमन कन्स्ट्रक्सन प्रालि, सुगम निर्माण सेवा र ओम इन्फ्राटेक प्रालिलाई कालोसूचीमा राखिएको छ।