इन्फान्टिनोको आलोचना गरेको तीन सातामै फिफाका उच्च अधिकारी बर्खास्त

काठमाडौं- विश्व फुटबल महासंघ (फिफा) का प्रमुख सञ्चालन अधिकृत (सीओओ) केभिन लामोरलाई फिफाले बर्खास्त गरेको छ । फिफा अध्यक्ष जियानी इन्फान्टिनोको विवादास्पद व्यावसायिक योजनाको कडा आलोचना गरेको तीन साताभन्दा कम समयमै लामोरलाई जिम्मेवारीबाट हटाइएको हो ।

बीबीसी स्पोर्टका अनुसार फिफाले सोमबार लामोरसँगको कार्यसम्बन्ध १७ अगस्ट २०२६ देखि अन्त्य भएको पुष्टि गरेको छ । फिफाका प्रवक्ताले लामोरले दुई वर्ष गरेको सेवाका लागि धन्यवाद दिँदै उनको आगामी भविष्यका लागि शुभकामना व्यक्त गरेका छन् ।