पुनः पक्राउ पर्न सक्ने भन्दै पत्रकार किशोर श्रेष्ठ उच्च अदालत पुगे

काठमाडौं- पत्रकार किशोर श्रेष्ठ आफू पुनः पक्राउ पर्न सक्ने भन्दै निषेधाज्ञाको मागसहित उच्च अदालत पाटन पुगेका छन् । श्रेष्ठ मंगलबार दिउँसो उच्च अदालत पाटनमा निवेदन लिएर पुगेका हुन् ।

उपसभामुख रुवी ठाकुरले सोमबार ललितपुर प्रहरीमा जाहेरी दिएपछि त्यसैका आधारमा आफूलाई पक्राउ गर्न सक्ने आशंका गर्दै श्रेष्ठले अदालतमा निवेदन दिएका हुन्।