भारत-नेपाल डिजिटल भुक्तानी कनेक्टिभिटी थप विस्तार हुँदै, युपिआईबाट रियल-टाइम रकम पठाउन सकिने

काठमाडौं । भारत र नेपालबीच डिजिटल भुक्तानी कनेक्टिभिटी थप सुदृढ हुँदै गएको छ। नेसनल पेमेन्ट्स कर्पोरेसन अफ इन्डियाको अन्तर्राष्ट्रिय शाखा एनपिसिआई इन्टरनेसनल पेमेन्ट्स लिमिटेड (एनआइपिएल)ले दुई देशबीच निर्बाध सीमापार डिजिटल भुक्तानी प्रणाली विस्तार गर्ने प्रतिबद्धता दोहोर्‍याएको छ।

नेपाल आउने भारतीय यात्रुबीच क्युआरमा आधारित युनिफाइड पेमेन्ट्स इन्टरफेस (युपिआई) भुक्तानीको प्रयोग बढ्दै गएको छ। पछिल्लो समय भारतको युपिआई र नेपालको नेसनल पेमेन्ट्स इन्टरफेस (एनपिआई) बीच रेमिटेन्स सम्बन्धसमेत सुरु भएपछि दुई देशबीच डिजिटल भुक्तानी कनेक्टिभिटी थप विस्तार भएको हो।