बिरामी कि अपराधी?

लागूऔषधको समस्या अहिले नेपालको सामाजिक, स्वास्थ्य, सुरक्षा र पारिवारिक संरचनाका लागि गम्भीर चुनौती बन्दै गएको छ। यसको असर लागूऔषध प्रयोग गर्ने व्यक्तिमा मात्र सीमित छैन; यसले परिवारको शान्ति, युवाको भविष्य, सामाजिक सुरक्षा, मानसिक स्वास्थ्य र समग्र समुदायलाई प्रभावित गरिरहेको छ।

तर यति गम्भीर समस्यासँग जुधिरहँदा पनि हामीले एउटा आधारभूत प्रश्नको जवाफ खोज्न सकेका छैनौँ— लागूऔषध निर्भरतामा फसेको व्यक्तिलाई हामी बिरामीका रूपमा हेर्ने कि अपराधीका रूपमा?