आयोगले गर्‍यो निर्वाचन व्यवस्थापनबारे पूर्वप्रमुख निर्वाचन आयुक्तहरूसँग छलफल

काठमाडौँ। निर्वाचन आयोगले चुनावी व्यवस्थापनका विभिन्न विषयमा पूर्वनिर्वाचन प्रमुख आयुक्त र आयुक्तहरूसँग छलफल गरेको छ। नवनियुक्त प्रमुख निर्वाचन आयुक्त र निर्वाचन आयुक्तहरूले पद बहाली गरे पश्चात् आयोगले निर्वाचन व्यवस्थापनमा अघि बढाएका सुधारका योजनाहरूका सन्दर्भमा उक्त छलफल गरेको हो।

जसमा निर्वाचन व्यवस्थापनका कानुनी, प्रविधिगत, व्यवस्थापकीय सुधार लगायतका विविध विषयमा छलफल गरी सुधारका लागि सुझाव प्राप्त भएको आयोगले जनाएको छ।