राहदानी दुरुपयोगमा जरिवाना मात्रै लगाउने विधेयक ठिक हैन : निश्कल राई

प्रतिनिधिसभा सदस्य निश्कल राईले झुटो विवरण दिएर राहदानी प्राप्त गर्ने व्यक्तिलाई जेल सजायको सट्टा जरिवाना मात्र गर्ने प्रस्तावले विधेयकको नियतमाथि प्रश्न उठाएको बताएका छन्।

प्रतिनिधिसभामा ‘राहदानी ऐन, २०७६ लाई संशोधन गर्न बनेको विधेयक’ माथिको सैद्धान्तिक छलफलमा भाग लिँदै राईले राहदानीको विषय अत्यन्त संवेदनशील र जटिल रहेको बताए। विगतमा राजनीतिक दलका वरिष्ठ नेता तथा विशिष्ट व्यक्तिसमेत राहदानी दुरुपयोगको विवादमा परेको र विषय अदालतसम्म पुगेको स्मरण गराउँदै उनले झुटो विवरणका आधारमा राहदानी प्राप्त गर्ने विषयमा कानुन थप कडा हुनुपर्ने धारणा राखे।