भाजपाका शीर्ष नेताहरू नेपाल भ्रमणमा आउँदै

काठमाडौँ। भारतको सत्तारुढ भारतीय जनता पार्टीका शीर्ष नेतासहित भारतीय राष्ट्रिय कांग्रेसका शीर्ष नेता काठमाडौँमा हुने एक विशेष कन्क्लेभमा सहभागी हुने भएका छन्।

भदौ ११ गते आयोजना हुने एक कन्क्लेभमा भाजपाका राष्ट्रिय उपाध्यक्ष राम माधव, भाजपा विदेश विभागका संयोजक डा.विजय चौथाइवाले, भाजपा राष्ट्रिय कार्यकारिणी सदस्य विनय सहस्रबुद्धे तथा भारतीय राष्ट्रिय कांग्रेसका नेता शशी थरुर सहभागी हुने कार्यक्रम छ ।