संरक्षण क्षेत्र प्रदेशलाई दिन गण्डकीको माग, सह–व्यवस्थापनको मोडालिटी प्रस्ताव

पोखरा । गण्डकी प्रदेश सरकारले संरक्षण क्षेत्रको अधिकार प्रदेशलाई हस्तान्तरण गर्न माग गरेको छ ।

प्रदेश विकास समस्या समाधान समितिको पन्ध्रौं बैठकबाट मोडालिटीसमेत प्रस्ताव गर्दै संरक्षण क्षेत्र प्रदेशलाई हस्तारन्तरण माग गरिएको हो । गण्डकीमा अन्नपूर्ण संरक्षण क्षेत्र आयोजना (एक्याप) र मनास्लु संरक्षण क्षेत्र आयोजना (एमक्याप) पर्छन् । प्रदेशका १६ पालिका समेटेका यी दुई आयोजनाका कारण तल्ला सरकारले मनग्गे आम्दानी गर्न सकेका छैनन् ।