सम्पत्ति छानबिन आयोगविरुद्धका रिट संवैधानिक इजलासमा

सम्पत्ति छानबिन आयोगको गठन र कार्यक्षेत्रविरुद्ध सर्वोच्च अदालतमा दायर रिट निवेदन अब संवैधानिक इजलासबाट टुंगो लाग्ने भएको छ। प्रधानन्यायाधीश डा.मनोजकुमार शर्माले मुद्दामा गम्भीर संवैधानिक व्याख्याको प्रश्न रहेको भन्दै संवैधानिक इजलासमा पेस गर्न निर्देशन दिएपछि सुनुवाइको प्रक्रिया परिवर्तन भएको हो।

संयुक्त इजलासले यसअघि नै पूर्ण इजलासमा पठाउने आदेश गरिसकेको अवस्थामा प्रशासनिक टिप्पणीका आधारमा मुद्दालाई संवैधानिक इजलासमा लैजान मिल्ने वा नमिल्ने विषयमा कानुनी प्रश्न उठेको छ।