हेटौंडामा स्कुलबाट फर्कँदै गरेका ४ बालिकालाई खहरे खोलाले बगायो: एकको मृत्यु, दुई बेपत्ता

मकवानपुरको हेटौंडा उपमहानगरपालिका-१९ बासुदेवस्थित खहरे खोलाले बगाउँदा विद्यालयबाट घर फर्कँदै गरेका चार छात्रामध्ये एक बालिकाको मृत्यु भएको छ भने दुई जना बेपत्ता भएका छन्। एक बालिका भने सकुशल निस्कन सफल भएकी छन्।

मंगलबार साँझ करिब ५:५५ बजे निर्मल माध्यमिक विद्यालय बस्तीपुरबाट घर फर्कने क्रममा सडकमा रहेको लच्का (कजवे) तर्दै गर्दा बासुदेव खहरे खोलामा आएको बाढीले उनीहरूलाई बगाएको जिल्ला प्रहरी कार्यालय मकवानपुरले जनाएको छ।