७ करोड लगानीमा ‘टप दरबार रोधी क्लब’ सञ्चालनमा, भदौ ५–७ सम्म भव्य उद्धाटन

काठमाडौं । काठमाडौंको जमलस्थित विश्वज्योति मलको चौथो तलामा करिब ७ करोड रुपैयाँ लगानीमा ‘टप दरबार रोधी क्लब’ सञ्चालनमा आएको छ। नेपाली मौलिक कला, संस्कृति, लोकसंगीत तथा रोधी परम्पराको संरक्षण, संवर्द्धन र प्रवर्द्धन गर्ने उद्देश्यसहित सञ्चालनमा ल्याइएको क्लबको भव्य उद्घाटन भदौ ५ देखि ७ गतेसम्म विशेष सांगीतिक कार्यक्रमसहित हुने भएको छ।

क्लबले हिजो आयोजना गरेको पत्रकार सम्मेलनमार्फत ग्रान्ड ओपनिङका बारेमा जानकारी गराएको हो। पत्रकार सम्मेलनमा क्लबको उद्देश्य, लगानी, व्यवस्थापन, सेवा–सुविधा तथा उद्घाटनका अवसरमा आयोजना हुने सांगीतिक कार्यक्रमबारे जानकारी दिइएको थियो। ग्रान्ड ओपनिङका अवसरमा नेपाली मौलिक कला, संस्कृति र लोकदोहोरीको भव्य उत्सवसहित ‘दोहोरीको मेला’ जस्तै विशेष सांगीतिक माहोल सिर्जना गरिनेछ, जहाँ नेपाली सांगीतिक क्षेत्रका चर्चित तथा ख्यातिप्राप्त कलाकारहरूको विशेष प्रस्तुति क्लबले जनाएको छ।