शिक्षकको तलब भुक्तानीका लागि थप बजेट व्यवस्थापन गर्न केन्द्रको निर्देशन

काठमाडौँ । सामुदायिक विद्यालयका शिक्षकहरूको तलब भत्ता भुक्तानीमा देखिएको बजेट अभाव व्यवस्थापन गर्न शिक्षा तथा मानव स्रोत विकास केन्द्रले सम्बन्धित सबै स्थानीय तहलाई आवश्यक निर्देशन दिएको छ।

केन्द्रको योजना तथा अनुगमन शाखाले जारी गरेको पत्रमा आर्थिक वर्ष २०८२/८३ मा शिक्षकहरूको तलब भत्ताका लागि स्थानीय तहमा वित्तीय हस्तान्तरण गरिएको बजेट अपुग भएको भन्दै कतिपय स्थानीय तहबाट थप बजेटको माग आएको उल्लेख गरिएको छ।