भेनेजुएला भूकम्प : ५८ हजार भवन क्षतिग्रस्त भएको विश्लेषण

काठमाडौँ- भेनेजुएलामा जुन २४ मा गएको शक्तिशाली भूकम्पबाट भएको क्षतिको दायरा सरकारी अनुमानभन्दा निकै ठूलो हुन सक्ने देखिएको छ । अमेरिकी अन्तरिक्ष एजेन्सी (नासा)ले सार्वजनिक गरेको प्रारम्भिक स्याटेलाइट विश्लेषणअनुसार करिब ५८ हजार ८७० वटा भवन पूर्ण रूपमा ध्वस्त वा क्षतिग्रस्त भएको हुनसक्ने अनुमान गरिएको छ ।

दक्षिण अमेरिकी मुलुक भेनेजुएलामा एक शताब्दीयताकै सबैभन्दा विनाशकारी मानिएको ७.२ र ७.५ म्याग्निच्युडका भूकम्पका कारण हालसम्म करिब एक हजार ७०० जनाको मृत्यु भइसकेको छ । हजारौँ मानिस अझै बेपत्ता रहेका छन् ।