‘विद्यार्थीको व्यक्तिगत विवरण अनधिकृत रूपमा वितरण नगर्नू’

काठमाडौँ । शिक्षा तथा खेलकुद मन्त्रालय अन्तर्गतको शिक्षा तथा मानव स्रोत विकास केन्द्रले देशभरका सम्पूर्ण विद्यालयहरूलाई विद्यार्थीको व्यक्तिगत सूचना संरक्षण गर्न निर्देशन दिएको छ ।

केन्द्रले मंगलबार एक सूचना जारी गर्दै विद्यार्थीहरूको व्यक्तिगत गोपनीयता र सुरक्षाप्रति गम्भीर हुन सबै विद्यालयहरूलाई सचेत गराएको हो । पछिल्लो समय विद्यालयहरूबाट विद्यार्थीको विवरण बाहिरिएको भन्दै केन्द्रले उक्त निर्देशन दिएको हो।