बाली बिमामा कृषकको आकर्षण देखिएन, पाँच वर्षमा ७ लाख बिमालेख जारी

काठमाडौं । नेपालमा कृषिबालीको बिमा गर्ने कार्य भइरहे पनि किसानको आकर्षण न्यून देखिएको छ । पछिल्लो पाँच वर्षयता ७ लाख ४ हजार ८ सय ६४ कृषि बिमालेख जारी भएका कृषि, वन तथा पर्यावरण मन्त्रालयले जनाएको छ ।

मन्त्रालयको तथ्याङ्कअनुसार पछिल्लो पाँच वर्षमा २ खर्ब ३८ अर्ब रुपैयाँ बराबर (बिमांक) को कृषि बिमा भएको छ । जसमा ८ अर्ब ३० करोड ९१ लाख रुपैयाँ बराबरको बिमा शुल्क (प्रिमियम) संकलन भएको छ । उक्त प्रिमियममध्ये ६ अर्ब ५० करोड ९६ लाख रुपैयाँ सरकारले अनुदान दिएको छ भने बाँकी १ अर्ब ७३ करोड ४९ लाख रुपैयाँ कृषकले भुक्तानी गरेका छन् ।