मोदी सरकारले सोसल मिडियामा सेन्सरसिप लगाएको विपक्षीको आरोप

काठमाडौं । भारतको मुख्य विपक्षी दल कांग्रेसले केन्द्र सरकारले सोसल मिडियामा सेन्सरसिप लागु गरिरहेको बताएको छ । सरकारको आलोचना गर्ने सोसल मिडिया पोस्टहरूलाई इन्टरनेटबाट हटाउन लगाएको कांग्रेसको आरोप छ ।

कांग्रेस अध्यक्ष मल्लिकार्जुन खर्गेले सोसल मिडिया प्लेटफर्म ‘एक्स’मा लेखेका छन्, “मोदी सरकारले प्रत्येक भारतीयको बोल्ने, प्रश्न गर्ने र असहमति जनाउने लोकतान्त्रिक अधिकारमाथि सबैभन्दा दुस्साहसपूर्ण र योजनाबद्ध प्रहार गरेको छ ।”