कान्सको गौरव बोकेर दर्शक माझ तिनीहरुको टोली

कान्स फिल्म फेस्टिभलमा जुरी अवार्ड जितेर अन्तर्राष्ट्रिय चर्चा कमाएको नेपाली फिल्म तिनीहरू : इलिफेन्ट इन द फगको टोली नेपाल प्रदर्शनको तयारीसंगै विभिन्न कार्यक्रममा देखिन थालेको छ।

भदौ १९ गते प्रदर्शनमा आउन लागेको फिल्मको टोलीले काठमाडौंमा आयोजित विभिन्न कार्यक्रममा विशेष प्रस्तुति तथा सहभागिता जनाएको हो। भृकुटीमण्डपमा आयोजित नाइमा मोबिलिटी शोमा फिल्मको टोलीले विशेष प्रस्तुति दिएको थियो। कार्यक्रमको सुरुवात फिल्ममा समावेश गीत शादी के दिन में (ला ला ला ला) को प्रस्तुति र नृत्यबाट गरिएको थियो। त्यसपछि टोली एनआईयूको स्टलमा पुगेर फिल्मकै गीत बलममा नृत्य प्रस्तुत गरेको थियो। टोलीको प्रस्तुतिमा कार्यक्रमका सहभागी उत्साहित भएका थिए।