कप्तानगन्ज घटना छानबिन समितिको निचोड: ‘प्रहरीले नै गोली चलाएको हो’

सुनसरी कप्तानगन्जमा भएको घटना छानबिन गर्न बनेको समितिले प्रहरीले नै गोली चलाएको निचोड निकालेको छ। कप्तानगन्ज घटना छानबिन गर्न गठित गृह मन्त्रालयका सहसचिव भूपेन्द्र थापा नेतृत्वको समितिले गृह मन्त्रालयलाई मंगलबार बुझाएको प्रतिवेदनमा बाहिरी समूह वा घुसपैठ नभई प्रहरीले चलाएको गोली लागेको निचोड निकालेको उल्लेख छ।

घटनापछि विभिन्न बाहिरी समूह वा घुसपैठ भएको अनुमान गरिए पनि छानबिन समितिले सूक्ष्मढंगले सबै पक्षलाई भेटेर सोधपुछ गर्दा त्यस्तो नपाइएको जनाइएको छ।