भिगो ई-२ नेपालमा सार्वजनिक गर्दै नामी

काठमाडौं- नेपालका लागि डोङफेङ नामीको आधिकारिक आयातकर्ता एमएडब्लू वृद्धि मोटर्सले भोलि बुधबार नयाँ नामी भिगो ई-२ सार्वजनिक गर्ने भएको छ। नामी भिगोको नयाँ संस्करणलाई फुल एसयूभीका रूपमा बजारमा प्रस्तुत गरिने कम्पनीले जनाएको छ।

भिगो ई-२ ले पर्याप्त ठाउँ, आधुनिक फिचर र व्यावहारिक प्रदर्शनमार्फत ग्राहकलाई पूर्ण एसयूभी अनुभव प्रदान गर्ने लक्ष्य राखेको छ। नेपालमा नामीले ग्राहकबाट राम्रो प्रतिक्रिया पाइरहेको छ। हालसम्म देशभर २,००० भन्दा बढी नामी गाडी सडकमा सञ्चालनमा छन्।