हक्की विश्वकपमा भारत र पाकिस्तान आमनेसामने, दुवैका लागि निर्णायक खेल

पुरुष हक्की विश्वकपको पूल डीमा भारत र पाकिस्तान बुधबार आमनेसामने हुँदैछन्। दुवै टोलीका लागि यो खेल दोस्रो चरणमा पुग्ने सम्भावना निर्धारण गर्ने महत्वपूर्ण खेल बनेको छ।

भारत तीन अंकसहित तुलनात्मक रूपमा बलियो अवस्थामा छ। वेल्सले इंग्ल्यान्डलाई हराउन नसके भारतलाई पाकिस्तानविरुद्ध बराबरी गरे पनि दोस्रो चरणमा पुग्न पर्याप्त हुनेछ। पाकिस्तान भने एक अंकसहित दबाबमा छ। वेल्सविरुद्ध रोमाञ्चक बराबरी खेलेको पाकिस्तानलाई दोस्रो चरणमा पुग्न भारतविरुद्ध जित अनिवार्य छ।