फ्रान्सले दुई इरानी कूटनीतिज्ञलाई देश निकाला गर्ने

३ भदौ, काठमाडौं । फ्रान्सले दुई इरानी कूटनीतिज्ञलाई देशनिकाला गर्ने निर्णय गरेको छ । फ्रान्सेली विदेशमन्त्री जाँ–नोएल बारोले मंगलबार सामाजिक सञ्जाल ‘एक्स’मार्फत आगामी केही दिनमा फ्रान्समा रहेका दुई इरानी कूटनीतिज्ञलाई निष्कासन गरिने जानकारी दिएका हुन् ।

यो निर्णय गत जुलाईमा तेहरानस्थित फ्रान्सेली दूतावासका दुई कर्मचारीलाई इरानी सुरक्षा अधिकारीहरूले पक्राउ गरी सोधपुछ तथा धम्की दिएको घटनाको प्रतिक्रियास्वरूप आएको हो । फ्रान्सले उक्त घटनालाई कूटनीतिक प्रतिरक्षाको उल्लंघन र ‘अत्यन्त गम्भीर तथा पूर्वनियोजित’ घटना भनेको थियो ।