वीरगंजको बिराट दंगलमा वसन्त थापाले जिते दर्शकको मन

वीरगंज : छठको थकान मेट्न वीरगंजमा बिराट दंगल (कुस्ती) प्रतियोगिता सम्पन्न भएको छ। वीरगंज-१६ ईनार्वामा हरेक वर्षझैँ यस वर्ष पनि छठको पारणदेखि दुई दिनसम्म चल्ने विराट दंगल सम्पन्न भएको हो।

कुस्ती प्रतियोगितामा नेपाल र भारतका पहलमानहरुले आफ्नो खेल प्रदर्शन गरेका थिए। कुस्ती प्रतियोगितामा नेपालका चर्चित पहलमान वसन्त थापाले दुई जोड कुस्ती लडेर दुवैमा जित निकाल्दै खेलप्रेमीको मन जितेका थिए।