शिक्षा ऐनमा शिक्षकको वृत्ति विकास र विद्यालय सुधारलाई प्राथमिकता दिन सरोकारवालाको सुझाव

कास्की- गण्डकी प्रदेशका शिक्षा क्षेत्रका सरोकारवालाले शिक्षकको पेसागत तथा वृत्ति विकास, क्षमता अभिवृद्धि र विद्यालय सुधारलाई प्राथमिकतामा राखेर आगामी शिक्षा ऐन निर्माण गर्न सुझाव दिएका छन्।

शिक्षा तथा खेलकुद मन्त्रालयले शिक्षा ऐन निर्माणका लागि सातै प्रदेशमा सञ्चालन गरिरहेको ‘शिक्षा संवाद’ अभियानअन्तर्गत मंगलबार पोखरामा आयोजित छलफल तथा अन्तर्क्रियामा सहभागीले विद्यालय शिक्षामा लामो समयदेखि देखिँदै आएका समस्या समाधान गर्ने गरी स्पष्ट, व्यावहारिक र कार्यान्वयनयोग्य कानुनी व्यवस्था गर्नुपर्नेमा जोड दिएका हुन्।